香港新浪網 MySinaBlog
| 16th Mar 2014 | 一般 | (6 Reads)
宅在家中感覺不錯啊~

| 17th Apr 2013 | 一般 | (6 Reads)

近呢一年睇住阿Bell老左好多  瘦左好多 ... ... F近來成日鬧阿Bell  又話佢甘老都無咩用  不如唔好要佢  講到我都煩晒  我話唔通你掉阿Bell出街唔要佢咩  F竟然話帶佢去狗房打一針甘佢咪走得舒服囉  激死我  我聽完之後好唔開心  即刻忍唔住喊左出黎  阿Bell走過黎我身邊望住我  我同佢講  媽媽唔會唔要你  公公發脾氣之嘛  唔使理佢  我一邊喊而阿Bell就一邊錫我  我知佢睇得出我為左佢而好唔開心

一齊12年啦  由我10幾歲陪到我而家  佢係我屋企人  我點可以因為佢老而唔要佢  由當初佢跟我返屋企果日開始  我就諗住要陪住佢走完佢既一生     


| 25th Mar 2013 | 一般 | (3 Reads)

剛剛收工經過三角公園入面行,令我諗返起好多以前細個既野.記得以前細個既時候,爸爸好多時都會係晚飯後帶我同阿妹去三角公園,以前既三角公園同而家好唔同,以前真係用d大石頭圍一個三角形,中間有一個涼亭,d大就會坐在大石頭上乘涼,有小朋友在騎單車,涼亭就有人在玩古典樂器,有人唱粵曲...而爸爸就坐係d大石上,好似好多野諗甘,我同阿妹就好無聊甘自己行來行去...

而家既三角公園就已經唔同晒啦! 爸爸亦無再同我黎過...唯一無變既就只係個涼亭...

身邊既人和事物有好多都唔同晒...真係人事全非...

身邊既人有人變得很恐佈,令我覺得很心寒...點解可以變得只顧自己而不念親情?做咩都係為自己,唔為人諗下,最有資格去嬲媽咪既人係我,我都未去嬲,反而細佬阿妹去嬲佢?有無搞錯呀!有時嬲人都要講資格架!當時最辛苦果個都未出聲,幾時輪到你地講野呀!我真係好都甘講...

同屋企人吵架既人唔該你地好好甘諗清楚,你地有無必要嬲成世!

屋企人係有今生無來世架!

搞到甘你真係會開心嗎?


| 5th Jan 2013 | 一般 | (11 Reads)
傑仔今日派成續表啦  睇下又有幾多科唔合格先  而家d細佬真係難搞  一年級開始就補習補到上次考試前  仲要補習都成日欠功課  手冊無一日係無紅色既  睇到我火都黎埋  嬲嬲地考試前唔再比佢補  而家我要比多左時間跟佢功課和溫習  好彩男友都好體諒我  我有時都好想訓多陣  反而係我男友係甘煩我  話唔可以再訓  要起身返去睇傑仔d功課  佢仲會幫下手跟佢功課和教下佢  唉  傑仔同佢講話班上有個女仔拖過佢隻手  10歲人仔就人細鬼大  成日掛住同女仔傾電話  都唔知似邊個 =.=  

| 13th Sep 2012 | 一般 | (2 Reads)

唔理係咪真都好  呢一刻我都覺得好開心  因為佢既門面功夫真係做得太好了  又細心又浪漫又識逗人開心  仲要係夠大方既男仔而家真係少之又少  估唔到公司都仲有荀盤  

剛剛飲左湯  佢話我一個人住  平時無湯水飲  我又咳左甘耐都唔好返   所以佢返屋企拿比我飲  感覺超正的  佢無咩唔好  就係口花花  我最討厭他這樣  

我同佢之前係公司其實唔係好熟  拍過兩三次甘啦  因為早排我同男友正式宣佈和平分手(其實一早已經冷戰左幾個月了,只是大家都在拖得就拖)   而佢老婆又於早兩個月前同佢講話要離婚(只結婚半年)  就係甘大家出席一個同事既生日K場而出事   我無諗過認真架  我仲話係我飲大左...  但佢就好似好認真甘wo  死都唔肯算數  而家我想唔負責任都唔得啦~.~  不過暫時都幾好丫  因為仲係熱戀期嘛  睇定d先    


| 9th Sep 2012 | 一般 | (3 Reads)

自從供請左個蝴蝶佛牌之後  又真係人際關係好左好多  桃花運又強左好多  突然之間好多男仔約我   衰既人走左  黎左個好野  正如大師所說  假既會自己走  真既自己會來  所以呢  是好事  雖然不知道所說真的這個是不是指他  但他真的很就我  亦能給我安全感  感覺非常之良好        


| 3rd Sep 2012 | 一般 | (3 Reads)
總會遇上幾個仆街!

| 27th Aug 2012 | 一般 | (47 Reads)

很想輕撫你  所以避開你  

令原用距離  去令你好奇

迴避過眼神  先偷偷喘氣

吩咐手臂  放在原地

傳聞浪漫太快  愛戀都走得快

才會遲遲未步向你  說一世愛護你

情太過洶湧像深海  而我卻會忍耐  但求來日你醒過來  這份情像翅膀打開

過沒有相戀別意外  神教我會等待

待情流像細水才去承諾你會一生兌換愛

很心急擁抱  所以在禱告

求甜蜜以前  帶著你漫步

遊歷過旅途  等一天終老

生老病死  一起細數

原來慢慢靠近  更珍惜這一吻

而我停留是為了你  要給予你護蔭

情愛太過洶湧像深海  而我卻會忍耐

但求來日你醒過來  這份情像翅膀打開

還沒有相戀別意外  神教會我等待

像情流像細水才去承諾你拿一生兌換愛

能為愛戀學習按奈  情信寄進心內

但求能學會倚靠神  愛被馴服過更精彩

連地老天荒亦不更改  時間永遠等待

等你情願那天才去承諾你無止壞那份愛


 


| 21st Aug 2012 | 一般
是你嗎?

| 20th Aug 2012 | 一般 | (11 Reads)
用左Janssen既美白精華和佢既安瓶系列  而家皮膚變得越來越靚  膚質變得越來越好  這個牌子真有效  已經介紹左比好多人用  哈哈  看見身邊的同事一個一個的變得越來越靚  初初佢地都會覺得貴而唔知係咪真係有效  但現在她們已經越用越多呢個牌子既產品了  都話美白去印效果一流  GOOD  我以後都會keep住用  幾時都話女人係好貪靚ge啦

| 4th Aug 2012 | 一般 | (11 Reads)

我想去學跳肚皮舞  但仲未找到fd陪我去呀  佢地唔知咩人黎架    游水又唔去跳舞又唔去  真係悶到無朋友!

講起游水  我自由式已經游到一個橫池  超有成功感  呵呵呵~  而家準備學蛙式 


| 29th Apr 2012 | 一般 | (22 Reads)

好開心^.^心情難以形容  我同阿Bell已經11年既感情了  雖然佢唔係咩名種犬  左別人眼中佢唔值錢  年紀又大  但佢係睇住我成長既愛犬  係我心目中佢係無價既  佢對我有情有義  我承認我無左佢唔得  好彩今次有好心人幫我找到佢  我唔見左佢果晚  落住大雨  我癲左甘係條街道周圍找  行左24層樓梯  每家每戶甘叫佢個名  希望佢有回應  日喊夜喊  連仔仔都頂我唔順  話我喊到聲都沙埋  飯又唔食  搞到連爸爸都擔心  連佢都幫手找阿Bell  找返狗仔之後  我聽到爸爸同佢講  我平時話唔想養你  我只係講下  你唔好當真  唔好再自己走左去啦  你媽媽好擔心你...  

而家好囉  可以和狗仔團聚了~ 


| 26th Apr 2012 | 一般 | (11 Reads)

                                         尋愛犬

麻煩各位幫下手!

特徵: 混種北京犬  男仔  白色  耳朵和尾部近身位置有啡色毛 身上沒有狗帶  

於本年4月25日,晚上7:30至9:30在澳門台M附近走失,雖然並不是什麼名種犬,年紀又大,但卻是陪伴我成長了11年的愛犬,現在下落不明,擔心至極!

有人首見過在關口附近出現,可惜我找不到... 

如有好心人發現,請代為照顧,並盡快與本人聯絡,薄酬 1000元,決不食言!

謝謝! 

TEL: 62823384 (sms/whatsapp亦可) 


| 14th Mar 2012 | 一般 | (13 Reads)
個死八婆前兩日係街帶走傑仔  傑仔前同我爸爸去街撞到個八婆  竟然帶左傑仔去佢爸爸屋企  仲同佢講如果見到爸爸唔好叫爸爸叫大伯  仆佢個臭街  知唔知甘樣做對小朋友心靈會造成傷害架  再帶走傑仔的話我唔會客氣  跟你兩日  睇下我去唔去海關舉報你  我唔搞你  你竟敢搞我  無義務就自然無權利架啦  唔該唔好打擾我既生活  否則後果自負 

| 24th Feb 2012 | 一般 | (6 Reads)
心情不佳  休息一 天

Next